Tabi menyadi pemacha semua,
Nyau udah datai ba maia ke diatu kitai bansa dayak patut ngelengka ke penemu ti udu bendar dekab ngelabuh ke pengan diri, begedi, dengki enggau kepapas. Tu nyau jeman ke udah kitai belajar ba maioh bengkah pekara ti udah nyadi ba pengidup kitai suah bendar tebunsa lalu tinggal ari urang endang ketegal kitai lalu enda ulih berakup enggau pangan diri. Nama kebuah tu tau bakanya? Nyangka kitai enggai mansik ke pun ketegal kitai enggai meda pangan diri. Uji serekun dalam ati diri empu ngambi ediau enda lama, ngiga nama kebuah pemingking meruan malut runding kitai. Nyelai amat ga, enti tak nadai kebuah pemiking ngagai bala diri empu patut ba ati kitai. Ukai ga baru enti kitai ninga bala tuai raban bansa kitai mai kitai bebaik enggau diri sama diri. Tang kitai baka ti ngaga diri enda mending. Umbas meh kitai besengki enggau pangan diri. Nadai hari pengawa kitai ngatur laya aja. majak tinggal enti penemu ti enda segempung dikembuan kitai. Aram . Bejalai sama singkang, duduk sama likang. Bekaling lalu betawing. Ingat meh. Sejarah udah madah ke pengeruntuh bansa bepun ari enda beserakup.
enti bisi gambar bala ke enggau urang niki gunung lesung suba post ke ditu ngal.
ReplyDelete